ಪೊದರು ಎಂದರೆ ಸಣ್ಣದಿಂದ ಮಧ್ಯಮ ಗಾತ್ರದ ದಾರುವಿನಂಥ ಸಸ್ಯ. ಮೂಲಿಕೆಗಳಿಂದ ಭಿನ್ನವಾಗಿರುವ ಪೊದರುಗಳು ನೆಲದ ಮೇಲೆ ಅವಿಚ್ಛಿನ್ನ ದಾರುವಿನಂಥ ಕಾಂಡಗಳನ್ನು ಹೊಂದಿರುತ್ತವೆ. ಪೊದರುಗಳು ಮರಗಳಿಂದ ಬೇರೆಯಾಗಿವೆ, ಹೇಗೆಂದರೆ ಪೊದರುಗಳು ಅನೇಕ ಕಾಂಡಗಳನ್ನು ಮತ್ತು ಗಿಡ್ಡ ಎತ್ತರವನ್ನು ಹೊಂದಿದ್ದು, ಸಾಮಾನ್ಯವಾಗಿ ೬ ಮೀ. ಗಿಂತ ಕಡಿಮೆ ಎತ್ತರವಿರುತ್ತವೆ. ಅನೇಕ ಪ್ರಜಾತಿಗಳ ಸಸ್ಯಗಳು ಅವುಗಳ ಬೆಳವಣಿಗೆ ಪರಿಸ್ಥಿತಿಗಳನ್ನು ಅವಲಂಬಿಸಿ ಪೊದರುಗಳಾಗಿ ಅಥವಾ ಮರಗಳಾಗಿ ಬೆಳೆಯಬಹುದು. ಲ್ಯಾವೆಂಡರ್, ಪೆರಿವಿಂಕಲ್ ಮತ್ತು ಗುಲಾಬಿಗಳ ಬಹುತೇಕ ಸಣ್ಣ ಉದ್ಯಾನ ವೈವಿಧ್ಯಗಳಂತಹ, ಸಣ್ಣ, ಕಡಿಮೆ ಎತ್ತರದ ಪೊದರುಗಳನ್ನು ಹಲವುವೇಳೆ "ಉಪಪೊದರುಗಳು" ಎಂದು ಕರೆಯಲಾಗುತ್ತದೆ.