A funnel is a tube or pipe that is wide at the top and narrow at the bottom, used for guiding liquid or powder into a small opening.

ദ്രാവകരൂപത്തിലുള്ള വസ്തുക്കൾ ഒരു പാത്രത്തിൽ നിന്നും മറ്റൊരു പാത്രത്തിലേക്ക് ഒഴിക്കാൻ ഉപയോഗിക്കുന്ന മുകൾ ഭാഗം വിശാലമായതും അടിഭാഗം കൂർത്തതുമായ വസ്തുവാണ് ഫണൽ. പ്രാദേശികമായി ഇതിനെ നാളി അല്ലെങ്കിൽ നാളം എന്നും വിളിക്കാറുണ്ട്.. സ്റ്റീൽ, അലുമിനിയം, ഗ്ലാസ്സ്, പ്ലാസ്റ്റിക് എന്നിവ ഉപയോഗിച്ച് ഇവ നിർമ്മിക്കുന്നു. ഇതിലൂടെ ഒഴിക്കുന്ന ദ്രാവകവുമായി പ്രതിപ്രവർത്തനം നടത്താത്ത രീതിയിലാകണം ഇതിന്റെ നിർമ്മാണം. പെട്രോൾ, ഡീസൽ പോലുള്ളവയ്ക്കായി ഗ്ലാസ് അല്ലെങ്കിൽ സ്റ്റീൽ കൊണ്ടുള്ള ഫണലുകളാണ് ഉപയോഗിക്കുന്നത്. പ്ലാസ്റ്റിക് ഫണലുകൾ പൊതുവെ കിച്ചൺ ആവശ്യങ്ങൾക്കാണ് ഉപയോഗിക്കുന്നത്.. ഡിസ്പോസിബിൾ ഫണലുകളും നിലവിലുണ്ട്. ഒഴിക്കുന്ന ദ്രാവകത്തിന്റെ വേഗത നിയന്ത്രിക്കാൻ ചില ഫണലുകൾക്ക് വാൽവുകളും ഉണ്ട്. ഇവയെ ഡ്രോപ്പിങ്ങ് ഫണലുകൾ എന്നറിയപ്പെടുന്നു. പുകക്കുഴലുകളും ഫണലുകൾ എന്നറിയപ്പെടാറുണ്ട്.