படைத்துறை அல்லது இராணுவம் ஒரு நாட்டிற்காக வன்முறையைப் பயன்படுத்த அதிகாரம் அளிக்கப்பட்ட ஓர் அமைப்பு. இது ஒரு நாட்டின் அரசையும், நாட்டு மக்களையும் பாதுகாப்பதை, அதன் பலத்தை வெளிப்படுத்துவதை நோக்கமாகக் கொண்டது. படைத்துறை ஆயுதங்களைக் கொண்டிருப்பதுடன், சில குறிப்பிட்ட நிலைகளில் கொல்வதற்கான அதிகாரத்தையும் கொண்டிருக்கும். மக்களாட்சியில் படைத்துறை தேர்ந்தெடுக்கப்பட்ட அரசுக்கு கட்டுப்பட்டது. அத்துடன் ஒரு நாட்டின் படைத்துறையானது, பாதுகாப்புடன் தொடர்பு படாத, கூட்டுத்தாபன பொருளாதார வட்டிகளைப் பாதுகாத்தல், கட்டுமானப் பணிகளை மேற்கொள்ளல், அரசின் நிகழ்ச்சித் திட்டங்களை செயற்படுத்தல், சமூக கொண்டாட்டங்களில் ஈடுபடுதல், உள்ளக சனத்தொகையைக் கட்டுப்படுத்தல், அவசர காலங்களில் சேவை புரிதல் ஆகிய பணிகளிலும் ஈடுபடுகின்றது.