ఈ సినిమా యండమూరి వీరేంద్రనాథ్ యొక్క అభిలాష నవల ఆదారంగా నిర్మింపబడిన చిత్రం. చిరంజీవి సినిమా పరిశ్రమలో హీరోగా ఎదుగుతున్న రోజులలో తీసిన ఈ సినిమా మంచి విజయాన్ని సాధించి అతని కెరీర్ మైలు రాళ్ళలో ఒకటిగా నిలిచింది. కె.యస్. రామారావు నిర్మించిన ఈ సినిమాకు కోదండరామిరెడ్డి దర్శకత్వం వహించగా ఇళయరాజా సంగీతం అందించాడు. ఐపీసీ 302 ని శిక్షాస్మృతి నుండి తొలగించడానికి ప్రయత్నిస్తూ కథానాయకుడు పడ్డ ప్రయత్నం ఈ సినిమా ప్రధాన కథాంశం. ఇదే సినిమా తమిళంలో కూడా పునర్నిర్మించారు.