കൃഷിയിടങ്ങൾക്കും തോടുകൾക്കും അതിരുകൾ നിശ്ചയിക്കുന്ന ഉയർന്ന മൺതിട്ടയെയാണ് വരമ്പ് എന്ന് പറയുന്നത്. നെല്പാടങ്ങളിലെ കണ്ടങ്ങൾക്ക് ചുറ്റും ചെറിയ വരമ്പുകളും തോടുകൾക്കും കുളങ്ങൾക്കും അരികിലായി വലിയ വരമ്പുകളും കാണാം. നെൽകൃഷി ചെയ്യുന്നതിനാവശ്യമായ നിരപ്പായ കൃഷിയിടം തയ്യാറാക്കുന്നതിന്റെ ഭാഗമായി ഉയരവ്യത്യാസമുള്ള നെൽപാടങ്ങളെ വരമ്പുകൾ ഉണ്ടാക്കി കണ്ടം നിർമ്മിക്കുന്നു. ഓരോ കൃഷിക്കും മുൻപായി വരമ്പിലെ പുല്ലൊക്കെ ചെത്തി ചെളിമണ്ണെടുത്ത് വരമ്പിൽ തേമ്പി വരമ്പ് ബലപ്പെടുത്തുന്നു. വരമ്പുകൾക്കിടയിൽ ഞണ്ടുകളോ മറ്റോ ഉണ്ടാക്കിയിട്ടുള്ള ഓവുകളടക്കേണ്ടത് വെള്ളം കണ്ടങ്ങളിൽ ആവശ്യനനുസരണം നില‌നിർത്താൻ അത്യാവശ്യമാണ്. കൃഷിയിടത്തിന്റെ ചുറ്റും നടക്കാനുള്ള ഒരു മാർഗ്ഗവുമാണ് വരമ്പുകൾ.