ನಮ್ಮ ಹಿರಿಯರು ೧೯೫೦ ರಲ್ಲಿ ನಾಲ್ಕಾಣೆಗೆ ಹತ್ತರಂತೆ ಅಂಬಟೆಕಾಯಿ ಖರೀದಿಸುತ್ತಿ ದ್ದುದನ್ನು ನೀವೆಲ್ಲರೂ ಬಲ್ಲಿರಿ. ಅಂದರೆ ೧ ಅಂಬಟೆಕಾಯಿಗೆ ಎರಡೂವರೆ ಪೈಸೆ. ಅದೇ ಈಗ ಒಂದು ಅಂಬಟೆಕಾಯಿಗೆ ಎರಡು ರೂಪಾಯಿ ಆಗಿದೆ. ಅಂದರೆ ಇನ್ನೂರು ಪೈಸೆ! ಇದನ್ನೇ ಇನ್ನೊಂದು ರೀತಿಯಲ್ಲಿ ಹೇಳಬಹುದು. ೧೯೫೦ರಲ್ಲಿ ಅಂಬಟೆಕಾಯಿಗೆ ೧೦೦ ಅಂಕ (ಸೂಚ್ಯಂಕ)ಗಳಿದ್ದಲ್ಲಿ ಇಂದು ೨೦೧೪ರಲ್ಲಿ ಅದಕ್ಕೆ ೨೦೦/೨.೫*೧೦೦ ಅಂಕಗಳು ಅಂದರೆ ೮೦೦೦ ಅಂಕ (ಸೂಚ್ಯಂಕ)ಗಳು. ಹಾಗೆಯೇ ನಮ್ಮ ಅಜ್ಜನಿಗೆ ೧೯೫೦ರಲ್ಲಿ ತಲೆ ತುಂಬಾ ಕೂದಲು! ಸುಮಾರು ೫ ಲಕ್ಷ ಇರಬಹುದು! ಅದೇ ಈಗ ನೋಡಿದರೆ ನಿಮಗೆ ಕೂಡಲೇ ತಿಳಿಯುತ್ತದೆ, ತಲೆಯ ಎಡದಲ್ಲಿಷ್ಟು, ಬಲದಲ್ಲಿಷ್ಟು... ಸುಮಾರು ೫೦೦ ಇರಬಹುದೇನೋ? ಹಾಗಾಗಿ ಇಂದಿನ ತಾರೀಖೀನಲ್ಲಿ ಅಜ್ಜನ ತಲೆಕೂದಲಿನ ಇಂಡೆಕ್ಸ್‌ ಅಥವಾ ಸೂಚ್ಯಂಕ ೫೦೦/೫೦೦೦೦೦x೧೦೦= ಬರೇ ೦.೧ !!